kuala lumpur design week!


3 aribulan empat :

Ngulu ka bakih aku ngabas bakih kami siko dak, iya tok tadi bisi ngaga installation art bak Capsquare .

Besebut ka Minggu Reka Kuala Lumpur " Kuala Lumpur Design Week " tok tadi, nama kebuah aku empai kala tetemu ke nembiak kitai iban meda atur cara seni baka tok?

Nitih ke penemu aku mayuh anak kitai iban belajar bak semenanjung ditu, kini meh penungga sida ya, engka datai kitu sigi belajar aja kini? Rugi wai belajar jauh ( Semenanjung ngelayang Tasik Cina Selatan kira jauh meh nya ) nda nguna peluang ke bisi nya muka mata, muka pikir, umbas kitai duduk di temawai, tok maya kitai angkat duduk serimbai, setanding, sepeninggi, bansa bukai.

Bisi lebih kurang sejuta/1 000 000 iko kitai iban nyak pen bak Sarawak aja, bedau begulai enggau iban ke di menua jauh, menua ribai. Tanda ya kitai iban udah ulih bediri bak kaki diri empu diatu, besema ka sejarah pejalai mensia empu, kitai bepun ari ngerayap, nemu bediri, udahnya nemu bejalai, belanda, engkejok. Diatu kitai udah ulih belanda ngagai pemansang. Tauka runding kitai iban ka dudok aja berangan diri empu kak mansang, sesingkang pen udah nda alah dikejang kati ka mansang?

Ka aku nyebut kitai iban nda gagit ati enggau seni, ukai ke bansa kitai ke disebut diagong ka nama ya nganti begaga ka pantang? ngukir? nganyam?

Beri ka chunto, pua kumbu, ka begaga ke pua kumbu aja udah mayuh macam ulah iya, ukai sari dua, ukai seminggu dua, sebulan dua pen ukai, betaun ka nembu ka ya nganti orang nya nadai nguan pengelandik ti tinggi.

" Asi bari empa mayau, nganti nda nemu, nibuh enggau! "
(munyi ka aku selalu ngelesey ka bakih aku suba, laban ke aku landik mimit meh ari sida ya ngukir, ka agi aku nyebut neraw = ne'draw, nyak meh penyadi nganti udah dipegai Rajah Brooke sebilik, jako kitai lemi, alah laban jako orang bukai, ka aku becerita ka pekara tok nyau lari gak iya ari cerita asal aku ke pun tadi, nganti aku nulis sekali dak meh aku bercerita ka amat nda jako iban kitai lemi? )

Dini aku ngetu tadi, auk, pulai ke pua kumbu baru, ni maya ka ngebat ya, ni maya ka nyelup, bedau agi ke bukai, ngaga bungai, pampul, ngetas tampok lemba...pua bisi mayuh bansa ;

Pua Tumpoh :
Kena nutup piring tauka digantung maya miring Paung Burong.

Pua Pandang :
Dijadika baya, ke dibai pemati.

Pua Mata/Rara :
Pua ke dikait orang ka enda entu landik.

Pua Kumbu :
Pua ke dikait orang ke landik, nya pen siti ari pua bukai baka ampang,
ampang belulai, bali belantan, bali belumpong, belantan, kumbu ambun,
kumbu lulai, lebur api, mansau, menyeti, paya pakan.
(Ref : An Iban - English Dictionary by Anthony Richards )

Bah, jauh aku tok tesat ari cerita aku ke bendar tadi deh, alu ke pengujong jako meh, kini penungga asil pengelandik jari, kitai iban tok jemah ila?


0 comments: