UNTUKMU MALAYSIA!

MIKRO HABLUR II



MIKRO HABLUR



MINTA KASIH!

Kasih amai ngenang nasit bala kitai dayak kelebih agi bansa penan. Ambis tanah aki ini kitai dirampas sida ke bekuasa. Nda alah ditagang pengawa sida tok, nganti kitai ngelaban kumbai ngelaban perintah gak legi, cuma-cuma ditangkap I.S.A. Nadai ko enggau meh, naka alah kitai meh ngetan ka reta pesaka peturun aki ini kitai munya.

Pengujung iya ditarit ngapa diempu sida baka metik ka jari aja. Nda ngelaban legi dikumbai orang baka nyumboh kitai belik agi bekena ka sirat mantai ka tumbong. Segulai sejalai, ko jako aja, pengujung iya belaya. Kati ko deh? Aku enggau meda purih kitai ila ngining reta serta pengaya orang. Baka nya mega aki ini kitai munya, sida iya ka meda uchu, ichit sida iya bulih reta serta pengaya.

Kebatang iya bakani? Nganti baka tok meh penyadi iya, ambis meh kitai, bekayam ka mata aja. Ukai nya tanda iya kitai udah alah?

Tesau bala bukai, angkat bediri nentang mandang ke dunya kitai bisi kuasa ngelaban sida ya. Uji kitai berunding magang-magang, sapa kitai diatu? Nama penyadi enggau kitai? Bulih reta serta pengaya baka ke dikarap ka aki ini kitai, tauka jadi ulun sida ke nyadi raja?

Ati aku makin telih serta tusah ngenang ka nasit bansa kitai pengudah aku maca blog dikirim bakih aku tadi dill. Tok link blog nya Magick River. Blog tok ditulis siko bansa cina ke jadi enggau orang asli alu diau bak kampung orang asli nya. Nama iya Antares.

KURASARAKSASA!

Nyadi ka cerita, video nyak nunjuk ka aku enggau bakih aku maya kami di interbiu pasal t-shirt brand kami ke benama Kurasaraksasa! di produce Uzair Sawal kena college assignment iya. Interbiu tok lama udah dalam taun 2007 piak, maya nyak benung agi aktif amai enggau pengawa seni tok.

Nyadi video siti dak nya, charity event ka digaga kami enggau art collective ke benama Lakukan Something dalam taun 2008, video nyak digaga Fairuz Sulaiman. Charity nyak dituju ngagai bala nembiak autism, Autism Intervention Programme Nasom-Kiwanis Club Bukit Kiara.

WHAT RAINFOREST?


Bakih aku sarinya bisi meri aku siti DVD "What Rainforest?" (thanks Dill), dokumentari tok muka mata aku sentang nasit bala kitai Dayak di Sarawak kelebih agi bala sida Penan. Dalam dokumentari tok bisi cerita ti nyayat ati nama ya Penusah Tana. Ka nemu lebih agi, tok link ya "What Rainforest?" Serta bak baruh tok bisi 2 iti klip video ya diambi ari youtube peda meh.

PENUMBOH KE-2

Gambar diambi maya bejalai enggau bakih aku bak pasar cina, Seri Kembangan. Meda pasar nya nyau teringat ka pasar Sibu. Teringat ke Sibu nyau teringat ke mee kampua gak, udah lama enda makai makanan wajib serta makanan resmi orang Sibu tok. Tambah agi pasar malam sentang makit budu, nadai utai ke nadai.

Nganti ke Sibu anang ndak limpang agi pasar malam Sibu. Bulan 5 nyin kemari, bakih aku Sherry Easther bisi nemuai ke Sibu, klik meh link bak nama ya nya ti ka meda gaya pengaga tudah Kumang Gawai Sri Aman'07 tok maya iya nemuai ke Sibu.

Mayuh bala bakih aku takut ka nemuai ke Sibu, laban ko sida ya mayuh apai bayat ( gangster ) ditu. Munyi ko cerita akak aku, bisi ibok bakih iya takut ka nganta bekena ka emas serta gari mar nganti nemuai ke Sibu, kebuah iya takut kena ragut bala gangster di Sibu. Tuchum-tuchum aku ninga cerita akak aku nya, ditu orang bejual sayur bak makit iban terudoh nganta ke marik, gelang, tinchin, antin emas sidaya wai, nyau baka bepekit sapa paling mayuh bekena ka perengka emas.

Pelaba ko aku bala kepala besai apai bayat tok tadi asal sida ya amat ari Sibu, tang sida iya ngaga ulah bak endur bukai. Sibu nyak base tauka headquarters sida ya. Amat enggau enda nadai kitai nemu. Umbas enggau cerita apai bayat. Nyadi Sibu tok ko aku, sekali kita udah ensepi pemakai iya, kita alu ngelala Sibu ari pemakai iya, ukai ari Sibu mayuh apai bayat tauka towkey balak. Lapa gik, nemuai meh ke Sibu without any doubt.

REMAONG UDAH PULAI KE KAMPONG

Sinu ninga berita Yasmin Ahmad koma empai lama, bertambah sinu ninga ya nadai kena 25 aribulan 7 empai lama. Nuan sigi dikenang belama, nuan udah narit ati semua bansa di Malaysia. Sigi udah dijangka aku bisi ari ila nuan akan ngaga advert dalam jako iban, nang sigi amat, enggau advert Maybank nuan nyak, nuan udah nunjuk ka nuan ngelala serta nemu bansa iban. Nuan meh remaong udah pulai ke kampong. Terima kasih, niang Yasmin Ahmad.

PENUMBOH KE-1

Gambar diambi benung gig bak Bentley Music, progrim Homegrown Malaysia, piak ko nama show nyak, peda meh bak 8TV. Kenu ko jako nyadi photographer Telebury maya nyak, tang laban udah dibasu red wine, nyau sebingau pala, ambis gambar band bukai diambi, nyau ngejong ka bateri kamera abis. Pengujung iya semina gambar sida ya benung sound-check aja ulih diambi aku. Auk, gambar band bak atas nya nama ya sforzando! bala bakih ari Cyberjaya, lagu sida ya ngerimbas munyi Akta Angkasa.